// 庸 人 自 擾
有時真係覺得呢間公司好撚戇鳩。
明明加多一個人手可以解決既事，死都唔肯。寧願每個月轉一次service trial個個月印幾萬版彩色紙，都唔肯比千幾蚊多個人上黎做，轉頭又嫌你地人做得慢。
話自己係premium airline， 又要收得貴又乜都無，夠膽死到今時今日仲比水喉水啲客飲；一班機356個客上四袋氈，平均三十幾個客爭一條氈；餐膳又縮數，到無人搭先黎賤賣機票，連sell優越感的商務艙都平嗰下抵死。隔離台日本經濟艙有冷麵有豆腐花，做乜要比多啲錢食你條Kitkat？
唔諗下點解啲機成日唔準時，啲機冧一隻動全身，tight connection 唔理，壞機唔理，flight planning唔理，反而叫你地唔好同機頭扼手慳嗰十秒八秒，又岩岩到既crew都未落曬客就推啲清潔姐姐上黎人jam人，結果kick死曬戇鳩鳩。
又話要慳錢，連員工自組既Christmas carol都唔肯比錢，boarding pass又變埋單色，但又比幾千幾百萬買啲會冧既tray、多左一橫既碟、完全妄顧OHS既咖啡茶壺⋯⋯又花車又rugby seven，仲有色盲色弱人士分唔到分別既rebranding。
買新飛機，config弱智唔緊要可以之後既機改番好，丫你搞埋個working group，反映完比你聽又唔理又叫啲crew自己搞掂，客無位放行李，galley packing戇鳩，乜都話無得改，喂你而家買五十架唔係五架喎無bargaining power 架咩？
十幾萬樣野可以做，偏偏搞鳩d crew，個癲雞訓導成日食飽飯無屎痾捉人grooming，中學咩而家！啲grooming standard仲係呀梅 / 貓皇年代咁，又捉人掛野上喼話影響形象，收工幾廿個喼一模一樣點認呀？個luggage tag你又cut埋！
又要刻薄肯為你仆心仆命既員工，又要班員工服務好有笑容，唔比夠人又想快靚正，發夢。對外就加薪轉頭又cut pattern cut allowance，刻薄完人又想員工愛公司，係咪諗多左？
講你又唔聽，聽你又唔做，做你又錯focus，錯又唔肯改👋🏼 尋日先同同事講，或者要唔上心先可以喺度做得耐，當年我番工見到成個機場啲機尾都係自己公司logo好撚proud架，著起制服都自感優越，依家放工第一時間換制服先，廢事比人叫我搬行李。🙄
P.S 嗰啲「咁辛苦咪唔好做囉」論既人，我係好鍾意我既工作既，係睇唔過眼公司自甘墮落姐。又或者可以介紹下有咩工唔辛苦～
Search